U.S Sorkar chuan Anthropic AI Model pahnih a tih tawp tir
U.S. sorkar chuan AI company Anthropic chu an advanced AI model pahnih Claude Mythos 5 leh Claude Fable 5 te chu an ram venhimna a ngaihtuah avangin hman theiha chhawpchhuak lo turin a hriattir.
Anthropic chuan thupek hi zawm mah se he thutlukna siam hi a dik lo niin an ngai.He tihtawpna(shutdown) hian khawvel hmun hrang hranga hmangtute a nghawng a ni.
Claude Mythos 5 hi Anthropic AI model chak ber niin,Software-a security problem zawng tura pui turin Amazon, Apple, Google, Microsoft, leh CrowdStrike telin pawl rintlak tlemte tan chauh a awm a ni.
Claude Fable 5 hi ni engemaw zat kalta chauh khan mipui hriatah tihchhuah a ni a,Anthropic chuan model-ah hian hman dik lohna leh thil hlauhawm laka invenna tur safety features a dah tel tih a sawi bawk.
Anthropic tarlan danin, sorkar chuan "jailbreak" awm thei tur chu a ngaihtuah ber a, he "jailbreak" hian hmangtuten khapna(restriction) ṭhenkhat an paltlang theihna tur a siamsak thei a ni. Mahse, company chuan he buaina hi a tlem hle niin an sawi a, chutiang theihna chu AI model dangah pawh a awm tawh tih an sawi a, OpenAI GPT-5.5 pawh tiamin.
Company chuan security beitham te avanga AI model tih tawp a nih chuan nakin lawkah AI company-te tan model thar tihchhuah a harsat phah thei dawn niin an sawi bawk.
