Pokémon Go Data hian Sipai Drone te chu Indona hmuna kal turin a pui thei dawn?

Pokémon Go player-te hnen aṭanga data an lakkhawmte hian sipai drone-te chu GPS signal awm lohna hmuna kal theihna turin a pui thei dawn a ni.Pokémon Go hian kum 2021 khan feature an rawn siam a, player-te chuan an phone hmangin khawvel hmun tak tak an scan theiin,
Player-te chuan an game khelh a tel tur leh heng scan-te hi upload tur an thlan a ngai a ni.

Scan te hi Pokémon Go siamtu company Niantic chuan an khawlkhawm a,a hnuah company chuan he data hi hmangin khawvel tak tak boruak hrethiam thei leh map thei tur artificial intelligence(AI) model te chu an zirtir a ni.

Niantic atanga company thar siam Niantic Spatial chuan drone software company Vantor nen thawhhona an nei a,an thil tum ber chu GPS signal block, jam emaw, hman theih loh emaw a nih pawha drone te chu dik taka an kal theih nana tanpui a ni.

Company pahnihte chuan Pokémon Go scan data chu Vantor hnenah direct-a share a nih loh thu an sawi.Mahse, heng scan te hi Niantic-a AI model te training nan hman a ni a, nakin lawka drone technology-ah pawha hman theihna tur a nih a rinawm hle.

Privacy expert-te chuan civil data chu sipai nena inzawm thila hman a nih chungchangah an lungawi loh thu an sawi. 
User tam tak chuan an game data hian sipai hnathawhna pui thei tur technology-ah a thawhpui an beisei lem lo niin an sawi.

He thawhhona hi bul tanna chauh a la ni a, tun hnai khan Vantor hian U.S. Army nen training software deal lian tak an ziak nghe nghe.

Niantic hian kum 2025 khan an gaming division chu Saudi-a company Scopely hnenah dollar tluklehdingawn 3.5-in an lo hralh tawh bawk.