Oracle security ṭhat tawk loh vangin hacker-te an huangtau?
Hacker group pakhat chuan Oracle PeopleSoft software-a security ṭha tawk lo awm hmangin organization 100 chuang luhchilhin,data tak tak pawimawh an ru.
Oracle chuan company lian leh university tam takin a software an hman,PeopleSoft ah security problem lian tak a awm thu chu a sawi.
Hacker group pakhat ShinyHunters chuan he security that lohna hi hmangin organization 100 chuang an hack niin an sawi. Security company Mandiant chuan hacker-te chuan hack theihna awm(vulnerability) chu an hack ngun hle tih a sawi.
He hack theihna awm hi a hlauhawm hle a, a chhan chu hacker te hian password emaw login emaw ngai lovin internet kaltlangin system an beih theih vang a ni. Oracle hian security siamthatna a la tichhuak lo a, mahse customer-te chu temporary protection lo hmang rih turin a chah.
Pawl a nghawng tam ber chu United States-a university leh college-te an ni. Tuartu ṭhenkhat chu an data rukbo te niin, a hnuah hacker te hian hacker leak website-ah te an tichhuak a ni.
Hacker-te sawi danin, zirlai information tam tak an ru a, chung zingah chuan hming, address, phone number, email, birth date, student ID, GPA score, leh enrollment details te pawh a tel.
ShinyHunters hian hetiang chiah hian thil dang pawh an lo bei tawh a ni. He pawl hian security lama chak lohna nei software hman lar tak tak an hmuchhuak in, pawl hrang hrang aṭangin data an ru a,an data ruk te chu an tlangzarh loh nan pawisa an ngiat thin a ni.