India chuan Telegram hman khap turin thupek a chhuah
Telegram hman khap turin thupek chhuah ni mah se,He report tihchhuah a nih lai hian Telegram hi India ramah a pangngaiin a la thawk reng a, editing feature pawh tihtawp a la ni lo.
India chuan Telegram hman khap turin thupek a chhuah.He khapna hian June 22 thleng a awh dawn a, sorkar chuan he thupek hi India rama zirlai maktaduai tam takin medical entrance exam lian tak an neih ṭhin NEET (UG) nena inzawm inbumna buaina awm vang a ni a ti.
He exam hi National Testing Agency(NTA) te kal pui thin a niin,Cheating group-te chuan Telegram hmangin exam paper lem an hralh a, thu dik lo an thehdarh niin an sawi.
NTA chuan Telegram hnenah June 30 thleng "message editing" feature off turin a ngen bawk a, mi ṭhenkhat chuan he feature hi message hlui edit nan an hmang a, exam paper leak a nih thu dik lo takin exam zawh tawh hnuah pawh an sawi niin an sawi.
He thupek chhuah nan hian sorkar chuan IT Act Section 69A tia koh dan a hmang a,he dan hian sorkarin online platform emaw content emaw block a phalsak a ni.
Digital rights group pakhat, Internet Freedom Foundation tia koh chuan he thutlukna hi sawiselin,Platform pumpui block chu mi thenkhat tana harsatna lian tak a nih tur thu an sawi.Dan hian thil hlauhawm bik chauh a block nge app pumpui block a phal tih an zawt bawk a ni.
India hi Telegram download-na lamah chuan market lian ber a nih avangin he khapna hi company tan chuan thil lian tak a ni.
He report tihchhuah a nih lai hian Telegram hi India ramah a pangngaiin a la thawk reng a, editing feature pawh tihtawp a la ni lo.